«Балалардың танымдық, шығармашылық қабілеттерін дамытуға арналған электронды әдістемелік құралдар» атты семинар

Білім бөлімінің жылдық жоспарына сәйкес 2021 жылы 21 мамырда «Қуаныш» бөбекжайында» мектепке дейінгі ұйымдардың әдіскерлеріне арналған «Балалардың танымдық, шығармашылық қабілеттерін дамытуға арналған электронды әдістемелік құралдар» тақырыбы бойынша қалалық семинар өткізілді.

Семинар мақсаты: педагогтарды әдістемелік құралдарымен таныстыру және тәжрибе алмасу.

Семинардың ашылу сәтінде Көкшетау қалалық білім бөлімінің әдіскері Р.К.Акаева қазіргі кезеңде білім берудің сапасын жақсарту, әдістемелік негізін өзгерту заман талабына сәйкес туындап отырған қажеттілік екенін айтып өтсе, бөбекжай меңгерушісі С.Б. Байкенова құттықтау сөзімен, қатысушыларға сәттілік тіледі.

     Мектепке дейін оқыту мен тәрбиелеуде заманауи технологиясы бойынша әдістемелік құралдарды  №2 «Жұлдыз» мектепалды даярлық тобының бірінші санатты  тәрбиешісі Г.С.Киребаева  теориялық бөлімге тоқталып таныстырып өтті.

    Сондай-ақ, мектепалды даярлық топ балаларымен«Дана қалам» және «Әуенді кесте» электронды әдістемелік құралдарын қолданудың әдістері» шебер-сыныпты жоғары санатты  тәрбиеші Б.М.Шабарова көрсетті, «Ақылды қоян» электронды әдістемелік құрал арқылы балалардың сөйлеуін дамыту бойынша тәрбиеші А.К. Пшембаева «Дана қалам» электронды әдістемелік құралы арқылы балалардың сөйлеуін дамыту бойынша қалай жұмыс істейтінін таныстырды.

«Математикалық ойындар мен тапсырмалар» математика сабақтарында АКТ қолдану тәрбиеші Н. Каиркеш және № 3 «Бүлдіршін» ересектер тобының тәрбиешісі Ш.С. Хамзина «Қазақ үй» электронды құралын қолдану туралы шеберлік сыныбын аяқтады.

Қатысушыларға «Кері байланыс» жасалып, әдіскерлер семинар соңына қарай өз ойларымен бөлісті.