"Берекелі Алтын күз", "Аққу" мектепалды даярлық тобы

Тақырыбы:Берекелі алтын күз!

Мақсаты :  Күз мезгілінің өзгерістерін ұғындыру,мерекелік көңіл -күй орнату. Балаларды ән салуға, би билеуге деген ынталарын арттыру. Зал мерекеге сай безендірілген .Әдемі ән ойналып тұрады . әсем безендірілген залға балалар кіріп келеді.

Би: «Күзгі вальс»

Жүргізуші:Береке бақ дарыған

                     Жомарт көңіл жарқын жүз

                     Сары алтынға малынған

                      Жетті міне ,алтын күз!

Құрметті ата аналар,әріптестер, қонақтар,балалар! Бүгінгі күз мезгіліндегі ең тамаша  «Берекелі Алтын күз»   атты ертеңгілігімізге қош келдіңіздер.

Ән: «Күз тамаша»

Мақсат:Көбейеді құт береке

              Астық толы қамбамыз

                Құтты болсын мереке

               Алтын күзді тойлаймыз

Айзере:Сарғайды тоғай

              Сап сары маңай

               Соңғы әнін айтып

               Құстар кетті қайтып

Адия:Келді міне күз

           Айнала сары түс

           Керемет ,тамаша

           Қандай әсем күз!

Бұлт::Ой балалар естіп тұрсыңдар ма? Қазір қатты жаңбыр жауғызам.

Желдің ,жаңбырдың дауысы естіледі.Ортаға дірілдеп тонған саңырауқұлақ кіреді:

Саңырауқұлақ:Ой, ауа райы не боп кетті .Қатты тонып қалдым ғой.

Бұлт:Күзгі көк бұлт мен болам

         Көтеріліп теңізден

         Аспанға биік барамын

         Қаласамқазір сендерге

         Жаңбыр болып жауамын

Саңырауқұлақ:Жаңбыр жаумай тоқтай тұр

                              Дабылыңды соқпай тұр

                              Біз сен жайлы ән білеміз және осы әнді саған сыйлаймыз

  Ән: «Күзгі жаңбыр»

Тақпақтар:

Кәусар: Күздің қазан  айында

              Алма,алмұрт піседі

              Жапырақтар сарғайып,

               Сыбдыр,сыбдыр түседі.

Раяна:Берекесін сыйлауға

          Өлкемізге күз келді

           Жемістерін жинауға

           Шақырады біздерді

Нұрай: Сап сары ғып даланы

             Бояпты ғой күз деген

             Құстар қанат қағады

              Қоштасқандай бізбенен

Аян:Жетті желмен алтын күз

        Жеміс жинау салтымыз

         Жиып теріп болған соң

         Той жасайды халқымыз

       Саңырауқұлақ:Ендеше не тұрыс

           Болмасын жан қылыс

           Тойлайық,күлейік

           Қуанып билейік

Достарыммен бірге «Саңырауқұлақтар» биін қабыл алыңыздар.

Бұлт:Балалар мен сендерге жұмбақ жасырғым келіп тұр,сендер бұл жұмбақтың шешуін тапсаңдар біздің көптен күткен қонағымыз келеді.Сендер жұмбақ шешуге дайынсыңдар ма?

Балалар:Дайынбыз.

Жүргізуші:Көк майсалы көрікті

                        Алқаптағы көк егін

                          Бұл күндері киіпті

                    Сары жібек көйлегін (Күз)

Күз ханшайымы келеді.

Күз ханшайымы:Сәлеметсіңдерме балалар!Сәлеметсіңдерме қонақтар!

Мен сендерге алыстан келдім.

Бұлтар төніп,жаңбыр төгіп,

Жапырақтар сарғаяды.

Өңі тайып,сұры қашып ,

Денең мұздап тонады.

Айтыңдаршы бөбектерім,

Бұл қай кезде болады?

Балалар:Күз мезгілінде

Мен күз ханшайымымын.Орманды,тауларды аралап ,барлық жерді сары,қоңыр бояуға боядым.Құстарды жылы жаққа шығарып салдым.Мен сендерге ле келіп жеттім,мерекелерің құтты болсын!

Бұлт:Қош келдің,күз ханшайымы!Төрлет! Бүгінгі мерекеміздің қонағы бол,балалардың өнерін тамашалаңыз.

Ән: «Алтын күз»

Тақпақтар:

Рауан:Ел егінін жинайды

          Қырманға дән сыймайды

          Біздің дала бай дала

          Алтын астық айнала

Зейнеп:Алтын,сары ,қызыл көк

           Алуан алуан жапырақ

          Күзгі бақта күлімдеп

          Көз тартады атырап.

Ясмина:Күзім ау,күзім ау

           Мінезің бұзық ау

           Жаңбырың сіркіреп

          Келгенің қызық ау

 Сафия: Сарғайды тоғай

              Сап сары маңай

               Соңғы әнін айтып

               Құстар кетті қайтып

     Саңырауқұлақ:

Ал енді балалар күз ханшайымымен бірге ойын ойнайық.

Ойын «Қолшатыр»

Тақпақтар:

Диляра:Күзде дала жаурайды

             Көкте бұлттар аунайды

             Бұтағынан үзіліп

             Жапырақтар саулайды

Мансұр:Келді міне күз

           Айнала сары түс

           Керемет ,тамаша

           Қандай әсем күз!

Бұлт :Ән салыңдар, күліңдер

                    Жайнап гүлдей жүріңдер

                    Күздің тойын тойлайық

                   Би билейік ойнайық деп биші қыздарымыздың «Қолшатыр» биін қарсы алыңыздар.Тақпақтар:

Шыңтас: Ой балалар, балалар

                 Қоңырқай күз болыпты

                Қурап жапырық солыпты

                 Ел егінін орыпты

                Ой балалар, балалар

                Ойнайық та күлейік

                Енді оқуға кірейік

 Рауан   : Мерейлі күз, мырза күз

               Сыйлығыңа ырзамыз

               Аппақ арай таңында

               Шомыламыз нұрға біз

Асанали: Алқаптағы бидайды

           Қоймаға ел жинайы

           Тырнасы тізілген

           Ұнатамын күзді мен

Сымбат: Құстар қайтып күз болып

                   Сұр бұлт жапты аспанды

                   Жапырақ түсіп, гүл солып

                   Қыс ызғары басталды

Шоқан: Құстар қайтты ән салып

              Бұлт шарлады аспанды

             Күз келді жар салып

            Күзгі суық басталды

Жүргізуші:Ал балалар тұрмайық

                     Би билейік бәріміз

                    Алтын күзде бүгінгі

                   Шырқап әнге салайық

Ән: «Алтын күз»

Күз ханшайымы:Рахмет ,балалар,маған мереке қатты ұнады.Ал енді менің орманға баратын уақытым болды.Сендерге әкелген сыйлығымды табыстайын. Сау болыңдар!

Жүргізуші:Осымен Алтын күз мерекесіне арналған ертеңгілігіміз өз мәресіне жетті,тамашалағандарыңызға көптен көп рахмет

                                                                                   Тәрбиешілері: Қалауова Г.С

                                                                                    Қайыркеш Н. Қ

                                                                                                                   (03.11.22)