«Әлемнің жарығын, сыйладың сен маған!». Тәрбиешілер: Серикова А.Ж., Бексеитова Р.Г.

Тақырыбы:«Әлемнің жарығын, сыйладың сен маған!»

Мақсаты: 8 Наурыз –Аналар мерекесіне орай ұйымдастырылатын іс-шаралар арқылы бүлдіршіндерді шығармашылыққа баулу,сұлулықты сезіне білуге,мейрімділікке, үлкенді құрметтеуге, ана еңбегін қадірлей білуге тәрбиелеу.

Кейіпкер: Көктем аруы.

Барысы: Әсем әнмен қыздар жүрекшелерімен ортаға кіреді, ұлдар гүл шоқтарымен ортаға келеді.

Жүргізуші:

Аналарды сүйеміз!

Сөзін ойға түйеміз.

Әрқашан біз ардақтап,

Әжеге бас иеміз!

Сенен өскен балалар-

Батырлар мен даналар.

Құттықтаймыз мейраммен

Кұрметті апа, аналар!

Жүргізуші: Сәлеметсіздерме қадірлі де құрметті қонақтар,аяулы аналар, асыл әжелер, қызғалдақ қыздар. Көңілдеріңізге көктем шуағындай, сезім мен нұр құйып 8-наурыз халықаралық әйелдер мерекесі де келіп жетті. Осынау көктем мерекесінің қай кезде де орны бөлек. Өйткені аналарға ыстық сезім, алғыс пен құрмет ешқашан сөнбек емес. Себебі, ана өмірдің гүлі, көңілдің жыры, әр отбасының алтын діңгегі. Ендеше көктемнің алғашқы күндеріне арналған №6 «Балапан» ортаңғы тобының бүлдіршіндерінің дайындаған 

«Әлемнің жарығын, сыйладың сен маған!» атты ертеңгілігімізге қош келдіңіздер.

Біздің халық өнерпазға бай тегі,
Әнші деп те, күйші деп те айт оны.
Күлімдеген көктем жайлы,
Жақсылап бір, ән шырқасақ қайтеді.

Жүргізуші:

Балалар ең асыл жан кім? Ана

Айым,күнім, ботақаным деп еркелететін кім? Ана

Балалар бізге ең тәтті,ең дәмді тағамды кім дайындап береді ? Ана

Сонымен бүгін қандай мереке? Аналар мерекесі

Осындай үлкен мерекеде аналардың жүзіне кішкене болса да қуаныш сыйлағымыз келе ме?  Иә

Қазір бізге қандай жыл мезгілі келе жатыр? Көктем

Ендеше балалар ертеңгілігімізді «Көктем келді» әнімізбен бастайық.

Ән: «Көктем келді»

Жүргізуші:Жарайсыңдар, балалар!

Ардақты аналардың мейрамында,
Арнайды бүлдіршіндер өлеңдерін.

кезекті балалардың тақпақтарына берейік.

Астемір: Ана біздің күніміз

                Ананың біз гүліміз

                Ұланды ана қуантып

                Ұзақ өмір сүріңіз.

Көзайым: Ақ анашым, аппағым

                   Өзін жайлы тақпағым

                   Өзін жайлы әнім де

                    Арнадым саған бәрінде.

Эмир: Анам,анам,ақ анам

             Мен өзіндей ақ балаң

             Айтқан тіліңді аламын

             Жұмсағанда барамын

Айлана: Аспандағы айымсың

                Бақытыма балаған

                Құтты болсын мерекең

                Айналайын жан анам.

С.Даяна: Аялаған анашым

                  Мәпелеген анашым

                  Менің саған тілегім

                  Қартаймашы анашым.

Жүргізуші: Жарайсыңдар балалар.

 (Бір хат тауып алады).

Жүргізуші: Міне қызық? Мына хат кімнен келді екен? Кәне оқып көрейік. «Сәлеметсіңдерме балақайлар! Мен көктем ханшайымымын. Сендерді көруге асықпын. Сендердің өнерлерінді тамашалағым келеді. Сендерге арналған сыйлығым бар».

-Балалар, бізге қонаққа Көктем ханшайымы келе жатыр екен. Оны жақсы қарсалып,бүкіл өнерлерімізді көрсетейік.

«Көктем ханшайымы» музыка әуенімен кіреді.

Көктем: Мен көгілдір көктеммін,

                Былтыр келіп кеткенмін.

                Орманда бұлбұл сайраған

                Көптен күткен көктеммін!

Сәлеметсіңдер ме, балалар! Сәлеметсіздер ме, қонақтар! Айнала қандай тамаша! Балалар, бүгін бәрін өте әдемі болып кетіпсіңдер. Міне менде сендерге асыға жеттім, келе жатқан көктем мерекелерің құтты болсын!

Жүргізуші: Рақмет саған көктем, біздің балалардың көңілін бір көтеріп тастадың!

       Мерекеге арналады бүгін билер,

       Көтерілсін канекей, көңіл күйлер.

       Алдарыңызға қазір ұлдар биі,

       Қол соғып демеу берер көремендер.

Ұлдар биі: «Джентельмен»

Көктем ханшайымы: Қандай керемет! Жарайсыңдар!

Жүргізуші:Сіздерге арналған тосын сыйымыз бар. Біздің қыздармымыздың аналармен көктем мезгіліне байланысты дайындаған образдары бар екен.Тамашалап кетейік.

Дефиле:Қыздар

 -Қандай керемет!Қандай сұлу қыздар.Бір тамаша сезім алдым.Рақмет!

 Жүргізуші: Балалар 1 тапсырма орындап кетейік. Мына жерде көктем мезгілін суреттеп көрсету керек.

(Фетрдан жапсырады).

Көктем ханшайымы:Керемет! Жарадыңдар.

Жүргізуші: Мың бұрылған ақ қайындай,

                      Бишілер шықсын ортаға.

                      Ал ендеше қол соғайық,

                      Қошеметпен қолқала.

Көктемнің нұрындай қыздарымыздың тамаша биін қабыл алыңыздар.

Қыздар биі:

Көктем ханшайымы: Балалар сендер ойын ойнағанды жақсы көресіңдер ме? Мен сендерге «Гүл жинау» ойынын әкелдім.

Ойынның шарты:Үш әр түрлі түсті гүлдер беріледі. Сол гүлдерді түс-түсімен жинау керек. Әр гүл 10 данадан.

(Ән қойылады,ойын ойналады).

Жүргізуші: Келесі конферті қарайық.

Гүлдей жайнап тұр өзі,

Мейірлене күледі.

Үйдегі бар шаруаға,

Үлгереді бір өзі, деп – аналармен бірге бір ойын ойнасақ.

«Ата-анамен ойын». 6 ата-ана керек.

Ойын: «Қызымның шашын өру»

Екі топқа бөлінеді.

Жүргізуші: Ана дейміз бәрімізде аңқылдап

                     Ана дейді жас сәби де жарқылдап

                     Ана деген-бәйтерегі өмірдің

                     Ана деген алтын қазық алтын бақ-дей отырып біздің тобымыздың балаларының орындауында «Анашым» әнің қабыл алыңыздар.

Ән: «Анашым анам»

Көктем ханшайымы: Балалар қандай өнерлі.Рахмет, сендерге, балаларым! Сендер сондай тәртіпті, өнерлі, ақылды екенсіңдер! Әдемі өнерлерің мен әндеріңді тыңдап көңілімді көтердіңдер!

Жүргізуші: Біздің тамаша ертеңгілігімізді Ақ жаулықты әжелерімізге арналған әнімізбен аяқтағымыз келеді.

Ән: «Әжем»

Көктем ханшайымы: Балалар сендер өте өнерлі екенсіңдер жақсы биді де әнді де айтасыңдар.Сендерге көп рахмет мен уақытымды сендермен өте қызықты өткіздім.Ал енді менің кететін уақытым келді. Сау болыңдар!

Жүргізуші:

«Әйел бір қолымен бесік тербетсе, екінші қолымен әлемді тербетеді!»- дей отырып, Құрметті әжелер, аналар, сұлу қыздар! Мерекелеріңізбен тағы да құттықтай отырып, осымен ертеңгілігімізді аяқтаймыз!

                                                                                           Өткізген: Серикова А.Ж

                                                                                                             Бексеитова Р.Г