«Аяулы анашым!». Өткізген тәрбиеші: Калауова Г.С

06.03.2023

Тақырыбы: «Аяулы анашым!»

Музыка әуенімен балалар залға кіреді.

Жүргізуші:Бізді өсңрген аналар

                   Еңбегіңіз зор екен

                   Құтты болсын анашым

                   Құтты болсын мерекең.

Құрметті аналар, ақ жаулықты әжелер,кішкентай бүлдіршін қыздар ,сіздерді мерекелеріңізбен құттықтаймыз.Сіздерге зор денсаулық,бақыт,ашық аспан тілейміз.Бүгінгі «Аяулы анашым!» атты ертеңгілігімізді сіздердің құрметтеріңізге арнаймыз.

Аян:         Ана біздің күніміз 
                   Ананың біз гүліміз 
                   Балаларды қуантып 
                   Ұзақ өмір сүріңіз. 
                   Сенен өскен балалар, 
                   Батырлар мен даналар, 
                   Құттықтаймын мерекеңмен,   
                   Құрметті Аналар!

Диляра:Ардақты ана,аяулы ана қымбаттым

               Тәтті ұйқыңды бөліп талай түн қаттың

               Өміріме нәрін бердің ақ сүттің

               Кең құшағың аясындай гүл бақтың

Шоқан:Той пердесін ашайық

             Тойға шашу шашайық

             Аналарды құрметтеп

             Ән маржанын шашайық.

Ән: «Ай дидарлы анашым»

Келесі балалардың тақпақтарына кезек берейік.

Мақсат:Наурыздың сегізі, 
               Сұлулықтың негізі.

               Әдемі сөз баланың, 
               Анаға айтар лебізі.

              Әр сөзімді жаттаған, 
              Жүрегімде сақтаған. 
              Анашым деп мақтанам, 
              Айналайын ақ анам

Зейнеп:Өзіңіз ғой аналар 
              Зор денсаулық, мол бақыт
              Тілейміз біз балалар. 
               Баланың да тірегі 
              Дананыңда тілегі
               Ауырмасын ешқашан 
               Анамыздың жүрегі. 

Мансұр:Анаң болса қасында 
               Басқа бақыт не керек 
               Аналардың жүрегі 
               Мейірімді ғой керемет

 

Санжар:Мен анамды сүйемін, 
               Құшағына енемін. 
               Мәпелеген анамды,
               Қуантсам деп келемін. 
Нұрай:Апатайым анашым 
             Ақылы мол данасың 
             Қамқоршысы баланың 
             Гүлі сенсің әр үйдің.

             Құтты болсын анашым 
             Құтты болсын мерекең
             Әр кез саған тілеймін 
             Ұзақ өмір жолдарын

Жүргізуші:Балалар қазір қандай мезгіл?      Көктем мезгілі

Тыңдаңдаршы ,көңілге жылы, жанға жайлы бір әуен естілетін сияқты, бізге біреу келе жатқан сияқты.

Осы кезде көктем билеп келеді.

Көктем: Сәлеметсіңдерме балалар! Сендерде мереке болып жатқанын естіп келдім.Мерекелерің құтты болсын!

Мен көңілді көктеммін

Былтыр келіп кеткенмін

Көзін ашып бұлақтың

Түбіне тал еккенмін

Гүл боп қырда егілем

Дән боп жерге себілем

Жаңбыр боп жауам да

Нұр боп көктен төгілем.

Жүргізуші:Қош келдің көктем. Біздің мерекеміздің қонағы болыңыз.Біздің балалардың өнерін тамашалаңыз.Қане балалар көктемге арнап ән айтып берейік.

Ән: «Нұрлы көктем»

Тақпақтарға кезек берейік.

Айзере:Еркелесем, күлімдейтін,

              Ұрысқаны білімбейтін.

              Маңдайымнан искеп менің,

             «Құлыншағым, күнім» дейтін.

              Әлемдегі ақылды адам,

              Бәрінен де жақын маған.

              Құтты болсын анажан!

              Құтты болсын мерекең!

Рауан:Біз доспыз гүлдермен,
            Текке оны жұлмаймыз 
            Той күні бір-бірден 
            Аналарға сыйлаймыз.

            Бәрімізге анамыз 
            Біз үшін күн боп жанасың 
            Құтты болсын мерекең 
            Құттықтаймын анашым! 
Ясмина:Бізді өсірген анажан.

               Енбегі де зор екен.

               Құтты болсын анажан!

               Құтты болсын мерекен!   

Нұрхан:Ақ қабақты анашым 
               Күн сәулелі анашым. 
               Әлпештеген баласын, 
               Айналайын анашым. 
 Р.Аян:Теңдесі жоқ данасың

              Арқа сүйер панасың

              Еңбегіңді ақтаймын

              Аман болшы анашым

Шыңтас:Қызықтап әр сөзімді

                 Жүрегінде сақтаған,

                 Сабырлы да төзімді

                 Анашыммен мақтанам 

                 Бізге қарап елжіреп

                Сүйіп беттен ақ мамам

               Құшақ ашса келші деп

               Жүгіремін шаттанам

Би: «Қыздар»

Ойын: «Гүл сыйлау»

Көктем: Ерте, ерте, ертеде орманда көжек анасымен өмір сүріпті.Көжек анасын өте жақсы көреді екен.Бір күні көжек серуендеуге шығыпты.

Көжек: Сәлеметсіңбе күн! Сәлеметсіңбе жер!

Мұнда қандай мереке болып жатыр?

Қонжық: Сәлем көжек

Көжек :Салем.Сенің қолыңда не?

Қонжық: Менің қолымда бал.Балды анама сыйлыққа берем.

Көжек:Бүгін сенің анаңның туған күні ме?

Қонжық: Сен білмейсің бе?Бүгін аналар мерекесі.Сол үшін балды анама сыйлаймын.(қонжық жүгіріп кетеді)

Көжек:Ой білмеймін. Менің ешқандай сыйлығым жоқ. (жылайды)

Көктем:Жылама көжек біздің балалар өнерлі.Мүмкін анаңа арнап би билеп берер.

Би: «Ұлдар биі»

Көжек :Билеріңе рахмет,бірақ маған басқа сыйлық керек.

Жүргізуші:Көжек бүгін әжеміз бен қыздарымыздың да мерекесі.Біз әжемізді құттықтап алайық сосын саған да көмектесеміз.

Шынтас: Фариза, сен әжеңді қалай құттықтар едің?

Фариза:Міне былай! «Алло,әже , мерекеңізбен құттықтаймын!Әжетай мен сізді жақсы көремін»»

Шынтас: «Иа,дұрыс. Қариясы бар үйдің қазынасы бар» әжемізге арналған әнімізді қабыл алыңыздар.

Ән: «Әже»

Би: «Общий»

Тақпақтарға кезек берейік.

Кәусар:

Аналарды сүйеміз 
Ақылын ойға түйеміз 
Әжені де ардақтап 
Әдеппен бас иеміз. 

Ақ анашым, аппағым, 
Өзің жайлы тақпағым 
Өзің жайлы әнім де, 
Арнадым саған бәрін де 

 Асанали:Менің әжем бұл әжем

                  Айтқан сөзі дәл әжем

                  Аман болса көреді

                  Қызығымды әлі әжем

Фариза:Ақ жаулықты әжемді

              Ай  жүзіне теңедім

              Мейірімін таусылмас

              Күн нұрына теңедім

              Менің әжем,гүл әжем

              Алтын әжем,күн әжем

             Анам үшін,мен үшін

              Нағыз ана тілі әжем

Раяна:Бүгінгі көктем күнінде

            Барлық адам қуанар

            Аналарды мейраммен

            Құттықтайды балалар

            Мені жақсы көреді

            Күндей күліп келеді

            Көп ертегі біледі

            Маған айтып береді

Ән: «Әжем айтқан ертегі»

Ойын: «»

Балалар мүмкін көжекке арнап ән мен тақпақтарымызды  айтып береміз.

Ән: «Ана туралы попури»

Тақпақтар: Сымбат:Алпештеген аялаған.

                Ақ сүт берген апатайым.

                Салем жазып бүгін саған.

                Мейрамыңмен құттықтайымын! 

                Анамды мен жақсы көрем, 
                Айтқан тілін алып жүрем. 
                Қасымда анам жүргенде, 
                Шаттанып ойнап- күлем

Жангир:Мәпелеп мені өсірген

               Ризамын мен өзіне

               Ана деген керемет

               Сыйлап өтер өмірде

Меруерт:Аялаған анашым

                 Мәпелеген анашым

                 Менің саған тілерім

                 Қартаймашы анашым

Әрсен:Бәріңіз де анасың

            Біз үшін күн боп жанасың

            Құтты болсын мейрамың

            Құттықтаймын анашым

Алимжан:Еркелеттің асырадың

                 Мойыныңа асыламын

                Аман болшы ардақты анам

                Мен әрқашан қасыңдамын

                Аспандағы айымсың

                Бақытыма балаған

                Құты болсын мерекең

                Айналайын жан анам
Көжек: рахмет сендерге балалар .әндерің өте жақсы екен. Бірақ маған сыйлайтын сыйлық керек.

Жүргізуші:Біз де анамызға сыйлық береміз. Мүмкін сен осындай сыйлық берерсің?

Көжек:Рахмет,керемет сыйлық екен ,анашым қуанатын болды.

Жүргізуші:Көз ілмей түн қатқан

Жаным деп үн қатқан

Аялап баласын

Мәпелеп өсірген

Мың алғыс анашым! дей отырып ,бүгінгі ертеңгілігімізді аяқтаймыз!Уақыт бөліп келгендеріңізге рахмет.Сау болыңыздар!

 

Өткізген: Калауова Г.С