«Мен Отанымның болашақ қорғаушысымын!» (саппен жүру, ән айту) Музыка жетекшілері: Бейсембаева А.А., Шурекова А.Д.

Мақсаты:  Балаларға 7 – мамыр Отан қорғаушылар күні мерекесін сезіндіру. Ұлы отан соғысының мазмұнын әңгімелеп осы соғыста ерлік көрсеткен батырлардың ерліктерін, жыл сайын жеңіс күнінің мерейлі мерекесін бүкіл халық тойлап отыратынын айтып, Елін, жерін жаудан қорғай білуге, елінің патриоты болуға тәрбиелеу. Балаларды адамгершілікке, Отанын сүюге, оны қорғауға баулу.

Жүргізуші:

Құрметті  Ұстаздар, балалар, 7 -мамыр Отан қорғаушылар күнімен және де 9-мамыр жеңіс күнімен құттықтаймыз. «Мен Отанымның болашақ қорғаушысымын!» атты мерекемізді бастауға рұқсат етіңіздер.

Жауынгер біздің саңылақтар                                                                                      Жауды жеңген солдаттар                                                                                         Ардақта Отан- ел үшін                                                                                              Бақытты туған жер үшін                                                                                                                                      Отан үшін мерт болғанды танып біл,                                                                       Оларды есте ұмытпайды халық бұл!                                                                           Ерлік даңқы ешқашанда өлмейді,                                                                          Батырлардың жүрегі от боп жанып тұр!                                                                                   Жеңіс күні құтты болсын,                                                                                                      Құтты болсын Аталар!                                                                                              Ұмытпайды ешқашанда                                                                                                  Жауынгерді балалар.

(балалар сап түзеп музыка залында сап түзейді)

Ән ұран айтылады.

Жүргізуші: Құрметті бөбекжай  ! Бүгін 9- мамыр Жеңіс күні мерекесі құтты болсын! Біздің бейбіт өмір сүруіміз үшін жанын қиған, ерлікпен қаза тапқан ата-әжелеріміздің есінін еш уақытта ұмытпауымыз керек. Жеңіс күні құтты болсын. Күндіз күлкі, түнде ұйқымыз тыныш болсын деген тілекпен бүгінгі бүлдіршіндердің дайындаған шағын мерекелік ән шашуын қабыл алыңыздар!

№2 «Жұлдыз» Мектеп даярлық тобының орындауында:

Ән: «Егемен Қазақстан»                                                                                        

Жүргізуші:

 Бейбітшілік болса,
Туған жер құлпырады.
Үйлер де құламайды,
Ешкім де жыламайы.
Соғыс өртін көзбен көрген,
Отан үшін жанын берген.
Мақтанышымыз ардагерім,
Жеңіс туын желбіреткен.                                                                                                   Келесі кезекті әнге берейік 

№7 «Аққу» Мектеп даярлық тобының орындауында:

Ән: «Жеңіс туы желбіреп»

Жүргізуші:                

Жеңіс  келді  артта  қалды  зор  қайғы.

Адам  асыл  арманда  алға  жолдайды.

Бейбіт  күнін  аталардың  әкелген.

Бүгін  міне  ұрпақтары  жолдайды.

№1,3,9 ересек топтарының орындауында

Ән: «Жеңіс күні»

Жүргізуші:

Жойылсын жалғыз сөз соғыс деген

Оқ даусы мәңгілік жойылсын

Бомбаның орнын тегістеген

Күректер музейге қойылсын

Ән: «Жойылсын жалғыс сөз соғыс деген»

№8 «Құлыншақ» Мектепдаярлық тобының орындауында

Жүргізуші: 

Бақыт сыйлап жатады әр күн,                                                                                Санамызға жарық берген.                                                                                        Әкелері аталардың                                                                                                               Бұл Жеңісті алып келген.                                                                                          Қуантамыз ән сап жұртты,                                                                                              Келе берсін бақыт таңы.                                                                                                  Жеңіс күнің құтты болсын,                                                                                              Батырлардың ұрпақтары- деп келесі кезекте «Сарбаздар» биін қабыл алыңыздар!                                                                                                                           Би: «Сарбаздар» , мектепдаярлық топтың балалары

Жүргізуші: Осымен 9-Мамыр Ұлы Жеңіс күніне арналған «Мен Отанымның болашақ қорғаушысымын!» атты (саппен жүру, ән айту) мерекеміз аяқталды. Заманымыз тыныш, аспанымыз ашық болсын!