Ертеңгілік «Аяулы алтын күз», «Балапан» ересек тобы

03.11.2023

Ертеңгілік

Тақырыбы: «  Аяулы алтын күз »

№6«Балапан» ересек  тобы

      

 

 Музыка ырғағымен билеп балалар топқа кіріп,

орындықтарының жанына келіп тұрады

Тәрбиеші: Балалар, қараңдаршы, біз ғажайып ертегілер еліне келіп қалған сияқтымыз... Ал, бізден бұрын мұнда апайлар да, ата-аналарымыз да келіп қалған екен қош келдіңіздер! Қане, балалар, «Сәлем - сөздің атасы» демекші қонақтармен амандасайық.

Балалар:Сәлеметсіздер ме?

Тәрбиеші: Балалар, ертегілер елі қандай әдемі, мұнда бәрі бар, бізде күн салқын болғанымен бұл жерде жылырақ екен. Бірақ мұнда да жапырақтар сарғайып түсіпті. Күн салқындап, жапырақтар сарғайып жерге түссе қандай мезгіл болғаны?

Балалар: Күз мезгілі!

Топқа Күз ханшайымы қолына сиқырлы қорапша ұстап келеді

Күз ханшайымы: Сәлеметсіздер ме, балалар, қонақтар, ата-аналар!

Алтын түске боялды

Тау мен қырқа, дала түз

Келдім міне, ортаңа

Менің атым – Алтын күз! - балалар, қараңдаршы, мына әдемі қорапты, сендерге келе жатып жолдан тауып алдым. Ішінде не бар екенін білгілерің келеме?

Балалар жауабы: Иә!

Күз: Ой, балалар, мына қорап ашылмай жатыр, кім маған күз туралы тақпақ айтып береді, мүмкін, сол кезде ашылар...

Балалар тақпағы.

Ж.Адия ,Муслима

Берекесін сыйлауға                                                                                                                                                                         

 Өлкемізге күз келді   

Жемістерін жинауға                                

Шақырады біздерді.                              

Дания.                                   

Алтын,сары,кызыл,көк                                                                   

Алуан-алуан жапырақ          

Күзгі бақта күлімдеп

Көз тартады атырап

Ерасыл

Алакай!алакай !                              

 Шаттанды балакай!              

 Күз  түсті, дән пісті

Айтамыз алғысты.                                  

 

Күз: Жарайсыңдар. Мұнда ертегіші атайдың сендерге арнаған тапсырмалары бар екен (ертегілерден үзінді суреттер алып шығады). Кім тапсырмаларды жақсы орындап, сұрақтарға жақсы жауап берсе сол балалар ертеңгілік аяғында мол сыйлықтарға ие болады екен...

-Мына суретте қай ертегі бейнеленген?

-Бұл ертегіде қандай кейіпкерлер бар?

Күз: Қане, балалар, осы ертегілер ішінен «Шалқан» ертегісін рөлдерге бөліп ойнайық... Ал, құрметті қонақтар, «Шалқан» ертегісінің желісімен қойылатын «күз» мерекесін тамашалаңыздар!

Музыка ойналып ата бақшаға келеді. Өсіп тұрған үлкен шалқанды көріп суырып алмақ болады. Бірақ шалқан қозғалар емес. Ары тартып, бері тартып ойланып тұрғанда шалқанға дыбыстайды:

Шалқан: Ата, сіз бекер әуре болмаңыз. Одан да әжемді шақырыңыз.

Ата аң-таң болып әжені шақырады.

Ата: Әжесі, әжесі, кел мұнда! Әже келеді.

Әже: Иә атасы, неге шақырдың?

Ата: Мына өсіп тұрған үлкен шалқанымызды көрдің бе? Ол пісіп жетілді. Оны суырып алайық... екеуі ары тартып, бері тартып шалқанды суыра алмайды, сонда шалқан тағы дыбыстайды

Шалқан: Ата, әже - әуре болмаңыздар. Мен әлі толық пісіп жетілгенім жоқ. Мен тезірек пісуім үшін сіздерге қояр шартым бар.Сендер маған  тақпақ айтып беріңдер.

 

                                                                                   Райяна

Амирхан                                                             Көбейді құт береке

Жеміс мол теретін                                           Астық толы қамбамыз.

Күз дос екен бізбенен                                          Құтты болсын мереке

Бәрін тауып беретін                                          Алтын күзді тойлаймыз.

Жомарт екен күз деген

                                                                               Сап-сары ғып даланы,

Альфия                                                                Бояпты ғой күз деген

Қарашы күз келді,күз келді                              Құстар қанат қағады,

Жапырақ жауыпты  іздерді.                              Қоштасқандай   бізбенен.

Құс біткен керуен тізеді,

Қара бұлт қабағын түйеді.

 

                                                                              Дария

Ж.Адия

Жайдары күз, жомарт күз,                          Шөп сарғайып

Аяулы күз ,алтын күз.                                    ағаш  қурап,

Дәнге толы кең далам                                  Гулдер де солады.

Дариядай шалқып жүр.                               Жаңбыр жауып,жел соғады

                                                                        Бұзылады табиғат.

 

Чингисхан ,Хабиба

Күз келгенде тамаша,

Ән саламыз жараса.

Жеміс жидек пісті

Жейміз оны таласа

 

С.Сафия

Жел тынымсыз гуілдеп

Болып кетті тым бұзык

Шуылдайды тал терек

Жапырығын жулғызып.

 

Шалқан: Ата, әже - әуре болмаңыздар. Мен әлі толық пісіп жетілгенім жоқ. Мен тезірек пісуім үшін сіздерге қояр шартым бар.

Ата мен әже: Әрине, айналайын, шартың болса қоя ғой...

Шалқан: Ата, әже, мен әдемі ән тыңдағым келеді...

Ата мен әже: Әрине, айналайын, балалар ән айта алады, қане...

Ән:«  Күз келді »

Шалқан: Керемет ән екен.

Әже: Ал шалқаным, пісіп жетілдің бе...

Шалқан: Әлі де шала піскен сияқтымын. Мүмкін, балалардың күз туралы өлеңдерін оқығанда пісермін..?

Балалар тақпақтары

Ж.Адия ,Муслима

Берекесін сыйлауға                                                                                                                                                                         

 Өлкемізге күз келді   

Жемістерін жинауға                               

Шақырады біздерді.                                                             

Дания

Алтын,сары,кызыл,көк                                                                   

Алуан-алуан жапырақ           

Күзгі бақта күлімдеп

Көз тартады атырап

Ерасыл

Алакай!алакай !                              

 Шаттанды балакай!              

 Күз  түсті, дән пісті

Айтамыз алғысты.                                  

 

Нуралы                                 Али                                              Әлімхан

 Келді міне күз,         Сап -сары манай ,                               Көрініп еліме

Айнала сары түс.       Сап -сары тоғай.                              Күндері мереке

Керемет ,тамаша,      Соңғы әнің айтып,                             Келді ғой жеріме        

 Қандай әсем күз.      Құс кетті қайтып.                              Күз дейтін мереке               

 

 

Әже: Ал шалқаным, пісіп жетілдің бе...

Шалқан: Әлі де шала піскен сияқтымын әже. Мүмкін, балалардың күздік ойындарын тамашалағанда пісермін..?

Әже шарасы таусылып тәрбиешіге қарайды

Тәрбиеші: Келіңдер, келіңдер,

                  Ойын ойнап көріңдер.

                  Жемістерді шашылған,

                  Жылдам жинап беріңдер...

«Жемістер жинау» ойыны

Әже: Ал, шалқаным, пісіп жетілдің бе...

Шалқан: Әлі де шала піскен сияқтымын әже. Мүмкін, балалардың күз туралы әсем әнін тамашалағанда пісермін..?

Әже: Ал, шалқаным, пісіп жетілдің бе...

Шалқан: Әлі де шала піскен сияқтымын әже. Мүмкін, енді қызыңызды шақырарсыз..?

Әже: Қызым, қызым, келе қойшы мұнда    Қыз келеді

Қыз: Иә әже, шақырдыңыз ба?

Әже: Иә, айналайын, мына үлкен шалқанымызды көрдің бе? Атаң екеуміз суыра алмадық, мұнда сенің көмегің керек сияқты 

Үшеуі ары тартып, бері тартып суыра алмайды.

Шалқан: Менің жапырағымнан тартып-тартып ауыртып жібердіңіздер. Менің түбім кеуіп тұр, мүмкін, жаңбыр керек маған...

Күз: Бақыт болып жаушы жаңбыр

         Менің әсем қалама,

            Бақыт болып жаушы жаңбыр

Менің әсем далама...

 Ән:« Тамшылар»

Топқа әуен ырғағымен Жаңбыр кіреді

Жаңбыр: Сәлеметсіңдер ме, балалар, менің сендерге көмегім керек екенін сезіп мына әсем күз мезгілінде өздеріңе көмекке келдім. Айта қойыңдар, қандай көмегім қажет?

Б.ж.: Біз шалқанды суыра алмай жатырмыз. Оның түбі кеуіп тұр екен. Азырақ нөсерлетіп жіберіңізші...

Жаңбыр: Ендеше бірқыздар би билеп берсін...

«Қолшатырлар» биі

Қыз: Ал, шалқаным, енді тағы сені суырып көрейік  атасы, әжесі, қызы үшеуі суыра алмайды

Шалқан: Менің әбден пісуіме аз қалған сияқты, мүмкін тағы көмекке үйден біреуді шақырармыз?

Қыз: Иә, әрине, үйде ақтөс пен мамық қалды ғой, соларды да шақырайық..? Ақтөс, Мамық келе қойыңдар...

 

Муз. Залға  Ақтөс пен мысық мамық келеді

Екеуі: Бізді неге шақырдың? Көмегіміз керек пе?

Қыз: Әрине, сендердің көмектерің өте қатты қажет болып тұр. Мына үлкен шалқанымызды суыра алмай жатырмыз.

Екеуі: Қане, бәріміз жұмыла суырып көрейік...

Бесеуі ары тартып, бері тартып тағы да суыра алмайды

Шалқан: Ой, ой, ой, менің жапырақтарымның ауырғаны сонша, балалардың тағы да өлеңдерін тыңдағым келіп тұр...

Күз: Ән салыңдар, күліңдер

         Жайнап гүлдей жүріңдер – енді, мырза күзді жырлайық..

Ән:« Күз келді» орындайтындар Адия мен  Альфия.

Балалар тақпақтары

Медина

Жеміс жидек пісті,                                                         О.Сафия                           

Камбаға астык түсті

 Қызу жұмыс басталып,                                          Қамба толды астыққа              

Жинап алды жан салып.                                      Алғыс саған алтын күз.        

                                                                                Бір уыс дән шаштық  та    

Томириз                                                                   Кап-кап қауын алдық біз.

  Қуандырып біздерді

Кел жемісті алтын күз                                                                                  

Өлкемізге күз келді

Кемелдесін халқымыз.                            .                     Саида

Зарина                                                                  Күздің казан айында

Нұрға бөлеп өмірді,                                             Алма,алмұрт піседі   

Жырға бөлеп көңілді,                                          Жапырақтар сарғайып,

Жаркыраған сәулелі                                           Сыбдыр-сыбдыр етеді.

Күз әуені төгілді.                                               

                  

Ақтөс пен Мамық: Ал, енді шалқан, біз сенің барлық шартыңды орындаған сияқтымыз. Енді не қалайсың?

Шалқан: Осы ертегі бойынша мұнда тағы тышқан да болу керек емес пе? Мен тышқанды күтіп отырмын...

Мамық: Тышқан, тышқан, шық ініңнен жаныңның барында. Сенің де бізге көмегің келіп тұр!  Топқа дірілдей баса қорқып тышқан келеді

Тышқан мысыққа қарап: Не бұйырасыз?

Мамық: Кел, мына үлкен шалқанды суырып шығаруға көмектес...

барлығы шалқанды суырып тартып алып шығады...

Шалқан: Міне, керемет! Мен де пісіп жетілдім! Рахмет сендерге достарым!

Ата мен әже: Өзіңе де көп рахмет шалқан. Сенің шарттарыңның арқасында біз де балалардың күз мезгіліне арнап дайындаған өнерлерін тамашалап қалдық...

Шалқан: Ал, балалар, ата-әже, сұлу қыз, Ақтөс-Мамық, сұр тышқан – мен күз мезгілінде пісетіндіктен және менің шарттарымды бұлжытпай орындағандарың үшін мен сендерге өзім сияқты көптеген дәрумендер сыйлағым келеді. Рахмет сендерге! – деп рөлдерде ойнаған артистер балалар қасына келіп тұрады...

Тәрбиеші: Құрметті қонақтар, сіздерге күздің берер өнімі мол, берекесі құт болсын! Балаларымыздың бал күлкісі мен шаттығын келіп тамашалағандарыңызға көп рахмет! Келесі кездескенше күн жақсы болсын! Енді   ұлдардың көңілді биімімен мерекемізді аяқтаймыз.

«Саңырауқұлақтар» биі

 

 

Өткізгендер: Шарипова К.К

                                                                                                 Есекеева М.Ш

                                                                         Күні:31.10.2023