«Наурыз- дәстүр мен жаңашылдық мейрамы», №5 «Қарлығаш»,№9 «Қуырмаш», №10 «Ботақан» мектепалды топтары

«Наурыз- дәстүр мен жаңашылдық мейрамы»

Мақсаты: Балаларға 22 наурыз мерекесі тұралы мәлімет беру,салт дәстүрлерді дәріптеу,балаларды тапқырлыққа шешендікке тәрбиелеу.

Кіру. Әр топтан 5 баладан (түйемен,атпен, Әз-Наурыз деп жазылған плакатпен,қамшымен т.б)

 (Балалар музыка залға кіреді,өз ауылдарына жайғасып отырады.)

Жүргізуші: Сәлеметсіздер ме , Құрметті қонақтар.

Ерітіп қарын даланың,
Жинатып гүлін саланың.
Жетелеп жұмсақ самалын,
Келді Наурыз – жыл басы.
Күлімдеп қарап күміс күн,
Аспаның бүркіп күліп түн.
Ұлы күні Ұлыстың,
Келді Наурыз – жыл басы!

Наурыз тек қана жақсылығын, жаңа жаңалығын әкелсін. Ақ мол болсын, халық тоқ болсын! Наурыздың 21-22- не қараған  түні күн менен түн теңеледі екен. Міне сол күні ағаш үйлер тігіліп, қой сойылып ошаққа қазан қойып,тәтті бауырсақ пісіріліп ұлан- асыр той жасаймыз.Адамдар бір-бірімен көрісіп,жаңа жыл құтты болсын деп бір-біріне ізгі жақсы тілектерін  білдіреді.

Жүргізуші:                                                                                                                              Ата салтын бабамның,
Алып келді ұлыс күн.
Бір анадан туғандай,
Бір ұядан ұшқандай.
Бір аспанның астында,
Бір дастархан басында.
Береке - бірлік болсын деп,
Ауылдың алты ауызын дей келе ауылдарымызбен таныс болайық.

№5  «Қарлығаш» ауылы

№9  «Қуырмаш» ауылы

№10 «Ботақан»  ауылы

Жүргізуші:                                                                                                                                   Шашу шашқан жақсылыққа,
Құт- береке тілеген.
Қуанышты құт хабарды,
Сүйіншілеп жеткізген.

1. «Сүйінші сұрау»  дәстүрі

(Баланың дауысын шығару)

Бала:Ата Сүйінші! Сүйінші! Сүйінші! Дүниеге сәби келді.

 (Ата сүйінші беру керек.)

3. Отбасы шығады.(қыз бала.)

Жүргізуші: «Шілдехана тойына»  жиналып отырмыз

4. «Бас тырнау» дәстүрі (9 топ)

(Ата кәдесін береді)

Жүргізуші: Ой қандай керемет, дүниеге бір қазақ келді десейші!. Балаға қандай ат қойсақ болады екен?
Қазақтың ғұрыптарының бірі «Ат қою» рәсіміне кезек берейік.                                   5. «Балаға ат қою»

(Сенің атын Наурызбеке)

Жүргізуші: Ал, халайық, тұрмайық,
Әндетейік жырлайық!
Ортамызды ашайық,
Ырыс тілеп бұл жылға,
Жырдан шашу шашайық!

Алдарыңызда  №9  «Қуырмаш» ауылының орындауында

 «Алақай Наурыз» әні  қабыл алыңыздар.

Жүргізуші:                                                                                                                         Наурыз шаттық әніміз
Салтанатты сәніміз
Ән саламыз бәріміз
Би билейміз бәріміз                                                                                                               №9  «Қуырмаш» ауылындағы қыздардың «Үкі» биін тамашалаңыздар

қабыл алыңыздар.

Жүргізуші:  Бүгінгі кешіміз қызықты өтуі үшін келесі кезекті  ойынға берейік                                                                                                                  «Ұлттық ойын»

Жүргізуші:                                                                                                                                                       Наурыз келді жарқыраған, жайнаған,
Салтанатты сауық-сайран айналам.
Наурыз тойда, қыр мен ойда,
Қала, дала қызық думан қайнаған — деп, келесі кезекті баланы  бесікке                             салу салт-дәстүріне береміз.

7. «Бесікке салу» (5 топ)

Жүргізуші:                                                                                                                                                       Наурыз тойым, Наурыз тойым.
Құтты болсың халайық!
Қане, достар, қане, достар,
Шырқап әнге салайық.

Алдарыңызда  №5  «Қарлығаш» ауылының орындауында

 «Наурыз»  әнің  қабыл алыңыздар.

Жүргізуші: Келесі кезекте №5  «Қарлығаш» ауылының Мың бұралған қыздарымыздың «Бипыл» билерін  тамашалаңыздар.

Жүргізуші:                                                                                                                                                       Бауырласқан тәніміз,
Бұзылмаған антымыз.
Кең даланың ежелгі,
Қазақ дейтін халқымыз.
Өзге ұлттай біздің де,
Бар дәстүр мен салтымыз. Дей отыра баланы «Қырқынан шығару»  салт-дәстүріне кезек берейік.

Жүргізуші:Алдарыңызда  №10  «Ботақан » ауылынан

Тақпақ қабыл алыңыздар.

Жүргізуші:                                                                                                                                      Ал балалар тұрмайық,
Әндетейік, шырқайық,
Думандатып, би билеп,
Әнмен күйді төгейік.
Алдарыңызда  №10  «Ботақан » ауылының орындауында

 «Наурыз келді»  әнің  қабыл алыңыздар.

Жүргізуші:                                                                                                                                      Наурыз келді тамаша

Ән айтамыз таласа

Атам, әжем той тойлап

Қуанып жүр балаша

Би билейміз тамаша!
Алдарыңызда  №10  «Ботақан » ауылының қыздарын 

«Асатаяқ» биімен қарсы алыңыздар.

Жүргізуші: Біз атын қойған кешегі сәбиіміз бүгінде жүруге талпынып жүрген тәрізді. Бүгін әжелеріміз сол сәбидің тұсауын кеседі дейді.
«Тұсау кесу» рәсіміне кезек береейік.

(Әжелер отырады)

Жүргізуші:                                                                                                                                    Ата-баба салт-дәстүрі,
Ұлтымыздың айнасы.
Келешекте ұмытылмас,
Дәстүрімнің жалғасы.

10. «Шолпы тағу» дәстүріне кезек берейік. (9 топ)

Жүргізуші:Алдарыңызда ауылдарымыздың атынан би қабыл алыңыздар.                                                                                                                                   

Би: «Қара жорға»

Жүргізуші:                                                                                                                                    «Батамен ел көгерер, жаңбырмен жер көгерер», дегендей Қыдыр ата өзіңізден бата сұраймыз.

Қыдыр ата бата беру

Дастарханға шақыру

Жүргізуші:                                                                                                                 Осымен Наурыз мерекесіне арналған ертеңгілігіміз аяқталды.
Кең болсын қазағымның керегесі,

кетпесін Алла берген берекесі,

Алаштың баласына нәсіп болған,

Құтты болсын, НАУРЫЗ мерекесі!