"Этнопедагогика" басым бағыты бойынша жоба «Туған өлкенің мұрасы». Дайындаған тәрбиеші Серикбаева А.Ж.

«Туған өлкенің мұрасы»

Жобаның мақсаты:

- Балаларды туған жеріне деген сүйіспеншілікке, елін мақтан етуге, адамгершілікке, тыныштықты қолдауға, ұлттық келісім мен патриоттық сезімге тәрбиелеу;

- Көкшетауда тұратын халықтар және қазақ халқының тарихы мен мәдениеті туралы балалардың көзқарасын және ой-өрісін кеңейту;

- балаларды қала, ауданымыздың назар аударарлық орындарымен таныстыру;

- еліміздің келешек азаматы – бала тұлғасының қалыптасуында тәрбиеші мамандығының мәртебесін және әлеуметтік маңыздылығын көтеру.

        Туған елге деген сүйіспеншілік кішкентай Отанына деген сүйіспеншіліктен басталады. Әрқайсымыздың өмірде өзіміздің туып-өскен, өз жолымызды ұстанған жүрегімізде қымбат жерлер бар. Бұл біздің жан дүниемізде мәңгілік сақталатын біздің шағын Отанымыз. Туып-өскен, алғашқы қадамын басқан, алғашқы сөзін айтқан, ата-анаңның, ата-бабаларымыз бен туған-туыстарың, дос-жарандарың дүниеге келген жердің орнын еш нәрсе алмастыра алмайды.

     Жұмыстың нәтижесінде балалар туған өлкенің тарихын біліп келеді; өзіндік пікірін айтып, талдауға үйреніп келе жатыр. Балалар туған қаласының атақты адамдары, соғыс қаһармандары, ескерткіштер және басқа да мәдени құндылықтар туралы білімдерін кеңейтті.